Четверг, 14 11 2019
Войти Регистрация

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Добрыя дзяўчынкі трапляюць у рай…

  • Четверг, 29 ноября 2018 18:47
  • Автор  Сугучча

Юлія Шарова. Вяртанне Ліліт. Мн., Выдавец А.М. Янушкевіч, 2018.

Я шмат чытаю. У тым ліку беларускага, «бягучага». І цяпер з упэўненасцю магу сказаць, што за апошні год менавіта гэтая кніга з доўгага шэрагу прадукцыі айчыннага кнігавыдання зацікавіла мяне найбольш. У годзе мінулым такім адкрыццём сталася Кацярына Мядзведзева…

Прычым зацікавіла «Ліліт» менавіта як самага шараговага чытача, не літаратуразнаўцу. Ведаеце, такое ўтульнае адчуванне кнігі ў руках. Дома, у цягніку. І жаданне, каб не сканчвалася. Мяне можна абвінавачваць ва ўласных прыхільнасцях да містыкі, міфалогіі, адпаведна – магічным рэалізме… Але і гэта ў кнізе не самае галоўнае. Шмат над чым хочацца пасмяяцца з сябрамі, шмат у кім пазнаеш рэальных персанажаў мінскага (ды агульнабеларускага) бамонду. А гэта яшчэ раз пацвярджае спакон вядомае правіла: пісаць трэба пра тое, што перажыў сам. Раскладаеш Таро, слухаеш оперу, ведаеш «сучбелліт» – чаму не ўплесці гэта ў канву аповеду, а, магчыма, і пабудаваць раман вакол…

Шчыра прызнаюся, што з першых старонак закрадалася думка аб схематычнасці фабулы, штучным прышчапленні кабалістычнай гісторыі да нашай сучаснай рэальнасці, прыёме дзеля прыёму. Аднак далейшае пранікненне ў сюжэт паспяхова развейвае першаснае адчуванне. Занадта шмат старанных «патайных швоў» зрабіла аўтарка, каб злучыць у адно сатыру на рэчаіснасць, старажытныя легенды, феміністычныя пасылы і шмат чаго іншага, для кожнага чытача індывідуальнага… Вельмі ўдалым падаецца рэгулярная інкрустацыя ў тэкст допісаў папулярнай блогеркі, справаздач электроннага журналу тэлефанаванняў агенцтва варожбаў «Тэлематыка-сервіс», урыўкаў з раманаў журналіста Юрася Карповіча і ўзыходзячай зоркі беларускай літаратуры спадара Янкі. Як і зводкі навінаў пра злабадзённа-беларускае.

Уцелаўленне Ліліт у абсалютна розных жанчын дае мажлівасць пісьменніцы прадстаўляць стракатую галерэю чалавечых тыпаў: дзёрзкую маладую прыгажуню, вясковую кабету, што перабралася ў горад, дзяўчыну-трансгендара… Адпаведна і комплексы-праблемы-жаданні. І бясконцыя памылкі, якія мусіць здзейсніць кожны: «Любое рашэнне прымаецца дзеля таго, каб пра яго не шкадаваць»…

За сатырай і часам незласлівым гумарам хаваюцца ў кнізе дужа глыбокія праблемы. Пісьменніца смела выкрывае беларускую адвечную мару пра міфічнага ахоўніка краю, які ўсё выправіць. Прымушае «дачок Евы» з’яднацца і дапамагаць адна адной. Адкрывае вочы на простае чалавечае шчасце па-за гераічнымі памкненнямі. І нагадвае мудрыя правілы Сусвету, які заўсёды нешта дорыць за страту.

У нас усіх ёсць голас крыві і ўнутраны цэнзар. Галоўнае – пачуць.

 

Юлія Алейчанка

 

 

 

 

Прочитано 307 раз Последнее изменение Пятница, 30 ноября 2018 14:18
Авторизуйтесь, чтобы получить возможность оставлять комментарии

Публикуется в ...

  • Шведскі вопыт
    Шведскі вопыт 16 кастрычніка ў Дзяржаўным музеі гісторы беларускай літаратуры прайшла творчая сустрэча са шведскімі пісьменнікамі Грэтай Рутбёль і Ёрганам Гасілеўскім. Грэта…
  • Вачыма адвечнай праўды
    Вачыма адвечнай праўды Ёсць людзі, якія ад нараджэння пад шчаслівай зоркай маюць місію. Больш ці менш глабальную, больш ці менш агульназначную. Чалавек з…
  • З чаго растуць макі?
    З чаго растуць макі? Вольга Гапеева. Чорныя макі. Мн.: Галіяфы, 2019. Новая кніга Вольгі Гапеевай – заканамерны працяг старой. І гэтым я абсалютна не…
  • Міф на разломе тысячагоддзяў
    Міф на разломе тысячагоддзяў Яшчэ дзесяць дзён у культурніцкай прасторы ОК16 у Мінску можна будзе пабачыць грандыёзную выставу Алеся Родзіма “Міфалагема тысячагоддзя”, аднайменную з…
  • Касмічны пілігрым
    Касмічны пілігрым У Нацыянальным мастацкім музеі адкрылі выставу Аляксандра Кішчанкі «Касмічны пілігрым». Назва вельмі ўдала раскрывае характар таленту мастака. Творца, які мысліў…