Вторник, 20 10 2020
Войти Регистрация

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Расійскаму пісьменніку Альберту Ліханаву спаўняецца 85 гадоў

  • Понедельник, 14 сентября 2020 15:14

Вядомаму расійскаму пісьменніку, актыўнаму грамадскаму дзеячу Альберту Ліханаву 13 верасня споўнілася 85 гадоў.

Юбілей слыннага Чалавека адзначаюць удзячныя чытачы, педагогі, бацькі і ў Беларусі. Чаму? Таму, што кнігі Альберта Ліханава ёсць ці не ва ўсіх нашых бібліятэках, уключаючы і сямейныя зборы найбольш запатрабаванай літаратуры.

Звыш сотні кніг А. Ліханава выйшлі на розных замежных мовах. Я асабіста пераклаў на беларускую мову яго шчымлівыя аповесці «Дзяўчынка Усёадно» і «Мамчын сынок». А мінская школьніца Оля Кулюкіна стала пераможцай міжнароднага конкурсу «Чытаем Альберта Ліханава». У Маскве з рук пісьменніка Оля атрымала збор яго твораў. Журналістам патлумачыла: «Аднойчы мама прынесла з кнігарні раман Альберта Анатолевіча «Зламаная лялька». Я чытала яго ўсю ноч, не магла адарвацца. Пасля прачытала раман «Ніхто», аповесць «Ляжачых не б'юць», «Рускія хлопчыкі»...»

Да ацэнкі кніг Альберта Ліханава маглі б далучыцца тысячы беларускіх школьнікаў. А яшчэ многія беларускія дзеці, якія ведаюць, што такое хваробы, інваліднасць, сіроцтва, маглі б расказаць, які Альберт Анатолевіч нястомны дабрачыннік, верны сябар дзяцей, у нечым пакрыўджаных лёсам. Пра свайго расійскага сябра за ўсіх іх скажу я.

З Альбертам Анатолевічам мы разам працуем на ніве дзіцячых фондаў ужо больш за трыццаць гадоў. Савецкі дзіцячы фонд стварыў некалі ён. Пазней мы, дзетфондаўцы былых савецкіх рэспублік, аб'ядналіся ў Міжнародную асацыяцыю дзіцячых фондаў. Разам праводзім валанцёрскія з'езды, пленумы, сходы, на якіх абменьваемся вопытам дабрачыннай справы, падтрымліваем адзін аднаго, мабілізуем агульныя намаганні па дапамозе нашым падапечным.

Прывяду адзін прыклад. Калі здарылася чарнобыльская бяда, Альберт Анатолевіч Ліханаў адзін з першых прыехаў у Беларусь. Ён здолеў знайсці спонсара, каб закупіць для дзіцячага цэнтра рэабілітацыі патрэбныя медпрыборы. Арганізаваў ваенныя транспартныя самалёты для вывазкі на адпачынак і лячэнне дзяцей Беларусі ў пятнаццаць краін свету. За сваё бескарыслівае служэнне дзецям, асабісты ўклад у духоўнае, маральнае выхаванне нашых спадчыннікаў Альберт Ліханаў узнагароджаны Ордэнам Францыска Скарыны.

Пра ўзнагароды пісьменніка, акадэміка Расійскай акадэміі адукацыі, ганаровага прафесара ўніверсітэтаў Кірава, Белгарада, Свярдлоўска, Цюмені, Санкт-Пецярбурга, Сока (Японія) можна было б распавядаць вельмі доўга. Скажу толькі, што імя Альберта Ліханава ўнесена ў спіс выдатных еўрапейцаў XXІ стагоддзя.

Альберт Ліханаў стаяў ля вытокаў распрацоўкі і прыняцця Канвенцыі аб правах дзіцяці ў ААН. Горача падтрымліваў прыняцце ў Беларусі закона «Аб правах дзіцяці». Таксама Альберт Анатолевіч не адзін раз бываў на пленумах Беларускага дзіцячага фонду, у паездках па нашых школах-інтэрнатах, сямейных дзіцячых дамах. Быць побач з ім, слухаць яго вобразныя, глыбокія прамовы — і духоўны ўрок, і асалода ад глыбокіх думак, вобразнай мовы.

У дзень юбілею хочацца пажадаць Альберту Анатолевічу Ліханаву моцнага здароўя, невычарпальнага натхнення для добрых спраў, новых літаратурных твораў для ўдзячных чытачоў. Жыццё, як вучыў Леў Талстой, вымяраецца не гадамі, а чалавечнасцю. Дык хай жа паходня чалавечнасці, запаленая і для яго самога, і для мільёнаў дзіцячых душ, будзе нязгаснай.

Уладзімір Ліпскі, лаўрэат Дзяржаўнай прэміі Рэспублікі Беларусь, старшыня праўлення Беларускага дзіцячага фонду, член Прэзідыума Міжнароднай асацыяцыі дзіцячых фондаў

Крыніца: Звязда

Загаловак у газеце: Дзеці — яго зямны лёс

Прочитано 718 раз

Публикуется в ...

  • У пошуках свабоды 
    У пошуках свабоды  Васіль Грыно – мастак, які тонка адчувае неабходнасць свабоды творчасці. Нарадзіўся Васіль ў Мінску, вырас у Рэчыцы, у 20 гадоў…
  • Каталог гісторый
    Каталог гісторый Уявіце: мурал «Лічбавы свет» беларуса Яўгена Сасюры быў прызнаны летась лепшым у свеце! Стваральнікі міжнароднай інтэрнэт-платформы Street Art Cities абралі…
  • Эпоха ў партрэтах
    Эпоха ў партрэтах Разглядаючы нетыповыя працы Сяргея Русака, міжволі прыходзіш да асацыяцыі з мастацкім светам Герхарта Рыхтара, нядаўна прадстаўленым шырокай аўдыторыі у фільме…
  • Валянцін са сваёй Валянцінаю  
    Валянцін са сваёй Валянцінаю    Алесь Замкоўскі. Наступны прыпынак. Мн., Кнігазбор, 2018. Вершаваны зборнік Алеся Замкоўскага – з’ява ўнікальная. Звычайна паэты-пачаткоўцы намагаюцца як мага раней…
  • Тым, хто шукае
    Тым, хто шукае Ілля Сін. Libido. Мінск, Кнігазбор, 2018. Помніцца, аўтар кнігі загадзя папярэджваў прагных чытачоў: у «Libido» вельмі мала пра цялеснае жаданне.…