Чынгіз Алі аглу — вядомы азербайджанскі паэт, заслужаны дзеяч мастацтваў Азербайджанскай Рэспублікі, аўтар некалькіх дзясяткаў паэтычных зборнікаў. Яго творы перакладзены на многія мовы народаў краін СНД і Заходняй Еўропы. Яны глыбока нацыянальныя і ў той жа час сваёй лірычнасцю і важнасцю праблем, якія ўздымае аўтар, зразумелыя і блізкія сапраўдным аматарам мастацкага слова ў любым кутку планеты. Чынгіз Алі аглу часта бывае ў Беларусі, ён адзін з самых актыўных удзельнікаў міжнародных круглых сталоў, якія праходзяць у рамках Дня беларускага пісьменства і Мінскай міжнароднай кніжнай выставы-кірмашу. У кнігу ўвайшлі творы паэта, напісаныя ім у розныя гады. Многія з іх перакладзены спецыяльна для гэтага зборніка.